رسالة غزل من جزار

ياحته من فِشِتى
ياكُل كلاويَّا
القلب حبِّك وإنتى
كل شىء ليَّا

ريشى وضلوعى بتفرح

لما باندهلك
وكوارعى بتخونى
لو تشخطى فيَّا
حُبك سكينه

عالرقبه محطوطه
وكبدتى ماالحب
لونها بلون القوطه
يامعمره كرشى
بالحلو من إيدك
وبتنتفى فروتى
لو لحظه أنا أسيبك
المُخ بيكى إنشغل

إنتى ياقطقوطه

موضوع جميل جدا أستاذ خالد

وعلى فكرة أن سمعت رد حبيبة الجزار عليه

تعرفوا قالتلو ايه

احلي راجل هو جوزي
جزار وابوه من قبله كان جزار
انا وهو روحين ذي الرز في المنبار
انا لحم كتفي من خيره
وبحبه ليل و نهار
القلب ساكن فيه
ياحتة ضاني في طاجن خضار
ضحكتك بتخليني
حتة لحمة مفرومة
وقسوتك بتحسسني
اني ماسورة مخرومة
ادبحني
واسلخني
اكسرني بالشومة
تلاقيني احبك اكتر
من غير كدة عزومة
يا لحم راسي
يا كل ناسي
يا مقطع حياتي بوفتيك
بعشقك انا وبموت فيك

تسلم ايدك

ممكن يكون ردها ايه؟

(لوحة)بارعة و(ريشة) فنان رائعة, لحست (مخى)و كلت (راسي)
لا يفهمها إلا (عظام )الناس

خد دول
[ندعوك للتسجيل في المنتدى أو التعريف بنفسك لمعاينة هذه الصورة]

» رسالة لكل امرأة رومانسية
» رسالة غزل من مدرس رياضيات
» رسالة الى من أحببتها
» رسالة من كل زوجة
» رسالة شكر وامتنان لـ ......

صفحة 1 من اصل 1