ملف العنايه بالبشره فى فصل الشتاء

[ندعوك للتسجيل في المنتدى أو التعريف بنفسك لمعاينة هذا الرابط]

طبعا أنتى عارفة إن
انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة
الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض
أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض
البشرة للجفاف وظهور التشقق في بعض أجزاء منها زي اليدين والوجه والرجلين..

علشان كده هقول لك دلوقت على شوية نصائح هتساعدك على العناية ببشرتك في فصل الشتاء...

يلا نشوف النصائح دي مع بعض..

النصيحة الأولى
بلاش صابون

[ندعوك للتسجيل في المنتدى أو التعريف بنفسك لمعاينة هذا الرابط]

شوفي يا قمر النصيحة
الأولى اللي لازم تاخدي بالك منها هي إنك تبعدي نهائيا عن استخدام الصابون
ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون
اللي بيحتوي على روائح معطرة لأنه بيساعد على زيادة جفاف الجسم..

علشان كده عايزاكى طووول الشتاء تستخدمي صابون الأطفال لأن ده بيكون فيه
مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة
عوامل الجو.

النصيحة التانية
لا للمياه الساخنة

[ندعوك للتسجيل في المنتدى أو التعريف بنفسك لمعاينة هذا الرابط]

طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن

شوفي يا قمر في حقيقة كتير مننا مش عارفها وهي إن الماء الساخن مضرة جدا
للجسم وهي اللي بتساعد على جفاف الجلد وبالتالي بتساعد على تشققه علشان كده
ياريت تستخدمي في الشتاء مياه فاترة.

النصيحة الثالثة
نشفي بشرتك بفوطة ناعمة

[ندعوك للتسجيل في المنتدى أو التعريف بنفسك لمعاينة هذا الرابط]

النصيحة الرابعة
ماتكتريش من الماكياج

[ندعوك للتسجيل في المنتدى أو التعريف بنفسك لمعاينة هذا الرابط]

دي نصيحة مهمة قوي لازم تاخدي بالك منها
في الشتاء وهي إنك ماتكتريش من وضع الماكياج خاصة "كريم الأساس والبودرة"
علشان ما تظهرش حبوب أو بثور سوداء في بشرتك وده لأن مسام الجسم بتتنفس
بصعوبة شديدة في الشتاء..

النصحية الخامسة
اشربي سوائل على قد ما تقدري

[ندعوك للتسجيل في المنتدى أو التعريف بنفسك لمعاينة هذا الرابط]

كتير مننا بيقلل من شرب السوائل في
الشتاء بالرغم من إن السوائل دي مفيدة جدا للجسم وده لأنها بتساعد على
ترطيب الجسم من الداخل إلى الخارج علشان كده ياريت تكتري من شرب السوائل زي
الماء والعصائر الطازجة طبعا والفواكه اللي فيها فيتامينات زي "البرتقال
واليوسفي"، لأن كل الحاجات دي هتغذي البشرة وهتبعد عنها الجفاف.

تابعونى

نشوف مع بعض المشاكل التى ممكن ان تواجهك فى الشتاء وكيفيه حلها

[ندعوك للتسجيل في المنتدى أو التعريف بنفسك لمعاينة هذا الرابط]

أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده
خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي
دش تاني بماء باردة وبعد ما تخلصي الدش نشفي جسمك بفوطة ناعمة وبعد كده
ابدأي في وضع كريمات مرطبة على جسمك وهتشوفي الفرق بنفسك.

المشكلة التانية
جفاف جلد الوجه

برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..


ماسك الزبدة لعلاج جفاف البشرة

[ندعوك للتسجيل في المنتدى أو التعريف بنفسك لمعاينة هذا الرابط]

المكونات :

• معلقة صغيرة زبدة
• معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس
وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة
وكرري الماسك ده مرتين في الأسبوع وهتشوفي الفرق بنفسك.

ماسك العسل بالليمون

[ندعوك للتسجيل في المنتدى أو التعريف بنفسك لمعاينة هذا الرابط]

والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها..

المشكلة الثالثة
شحوب البشرة

ماسك البرتقال

[ندعوك للتسجيل في المنتدى أو التعريف بنفسك لمعاينة هذا الرابط]

المكونات:

• عصير نصف برتقالة
• 3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل
ذاب، بعد كده شيليه من على النار وسيبيه شوية لغاية ما تلاقيه برد، وبعد
كده حطيه على وشك لمدة ربع ساعة وبعدين امسحي وشك بقطنة مبلولة
بالماءالفاترة وكرري الماسك ده مرتين في الأسبوع وهتلاقي وشك بقى حاجة
تانية خالص.

المشكلة الرابعة
خشونة جلد اليدين وتشققه

دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده..

ماسك عصير الليمون

[ندعوك للتسجيل في المنتدى أو التعريف بنفسك لمعاينة هذا الرابط]

كل اللي عليك إنك تعصري نصف ليمونة
على باطن إيدك وبعد كده تاخدي العصير ده وتدعكي بيه إيدك وبعد مرور 10
دقائق تشطفي إيديك بالماء الفاترة، وكرري العملية دي كل يوم وبعد مرور
أسبوع هتلاقي بشرة إيدك رجعت لها النعومة وبقت أنعم من الحرير.

المشكلة الخامسة
خشونة كعب القدمين وتشققه

دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..

حمام المياه والفازلين

[ندعوك للتسجيل في المنتدى أو التعريف بنفسك لمعاينة هذا الرابط]

ضعي رجليكِ في مياه تكون فاترة لمدة
عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد
الميت نشفي رجلكِ كويس وضعي طبقة سميكة من الفازلين على كعوب رجلك وبعد كده
البسي كيس بلاستيك في رجلكِ وعليه شراب وسيبيه لمدة نص ساعة أو نامي به
وقومي الصبح وهتلاقي الفرق بنفسك.

المشكلة السادسة تشقق الشافايف

[ندعوك للتسجيل في المنتدى أو التعريف بنفسك لمعاينة هذا الرابط]

فيه كمان مشكلة ممكن تقابك في الشتاء
وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا
وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض
درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.

المشكله السابعه تشقق جلد الكوعيين

[ندعوك للتسجيل في المنتدى أو التعريف بنفسك لمعاينة هذا الرابط]

من ضمن المشاكل اللي ممكن تتعرضي ليها في الشتاء مشكلة تشقق جلد الكوعين


ودي حلها ماسك زيت القرفة

المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة دي
كويس علشان المقادير دي تتخلط مع بعضها، وبعد كده ادهني الأماكن المصابة
بالجفاف والتشقق وبعد مرور نص ساعة اغسليها بالماء الفاتر وكرري الماسك ده
مرة كل أسبوع.

اتمنى ان ينال اعجابكم

[ندعوك للتسجيل في المنتدى أو التعريف بنفسك لمعاينة هذه الصورة]