شرح تشغيل اى فيديو على اليوتيوب ,, بالصور

كتير مننا بيحب يتفرج علي فيديوهات علي اليوتيوب باعتباره اشهر موقع دلوقتي للفيديو

لكن ممكن يكون البعض بيقابله مشاكل في انه يتفرج علي اي فيديو

انا جايبلكم شرح مبسط لتشغيل اي فيديو علي اليوتيوب
وان شاء الله مفيش حاجة تقف قدامنا بعد كدة

الاول هنشوف الصورة وعليها الشرح ثم هشرح تاني بطريقة مبسطة

الصورة

ولمشاهدة الصورة بحجم اكبر http://img104.herosh.com/2010/11/25/959066920.jpg

بالنسبة للشرح

1. نضغط play لمشاهدة الفيديو

2. ممكن ان نعلى الصوت او نقلله كما نريد بجانب علامة البلاي
play

3. يمكن تشير او نشر الفيديو علي الفيس بوك او التويتر حسب الرغبة كما
موضح بالصورة اننا بنعمل شير ونختار فيس بوك وبيفتحلنا صفحة جديدة هنلاقي
فيها الفيديو وكلمة شير وممكن اضافة جملة او تعليق شخصي لو حابين هنلاقي
مربع صغيرة لما الصفحة تفتح ممكن نكتب فيه تعليقاتنا

4. بالنسبة للشريط او الخط الاحمر فهو توضيح لمشكلة بتصادف البعض
منا (( طبعا كما ظاهر في الصورة ان الخط كله ملون باللون الاحمر ))
المشكلة بتكون عبارة عن اننا لما بنشغل فيديو علي الفيس بوك حد من اصحابنا
عامله شير او بنشوفة علي اليوتيوب الفيديو بيفضل يقطع كدة ومش بيكون متواصل
ودة بيكون لان سرعه النت بطيئة او عالية على حسب السرعه بس الحكاية كلها
ان الفيديو علي اليوتيوب زي اي حاجة بنشوفها علي النت او بنعملها دونلود
بحتاج انها يتعملها تحميل عشان تشتغل بكفاءة عالية فالخط الاحمر او الشريط
الاحمر دة مش بيكون موجود غير لو التحميل اشتغل وخلص لان لو الخط الاحمر
دة لسة في النص هيفضل الفيديو يعلق ومن غير تحميل بيكون الشريط لونه ابيض

فالحل هنا // اننا نضغط بلاي علي الفيديو
play وبعد كدة نقفل الصوت خالص من السماعة او من الفيديو نفسه لحد ما
نلاقي الشريط دة لونة كله احمر دة معناه ان الفيديو اكتمل تحميلة وبالتالي
نقدر نشوفه من غير تقطيع

5. نقدر نشغل الفيديو في شاشة كاملة زي الافلام كدة لو عايزين نستمتع بالفيديو

6. نقدر نعمل سيرش علي اي فيديو محتاجين نشوفة والبحث بيكون بالعربي
او بالانجليزي او باي لغة بنكتب في مكان البحث اسم الفيديو اللي عايزين
ندور علية وبنعمل بحث وبتطلعلنا النتائج ولو مش لقينا الفيديو ممكن نغير
الاسم اللي كتبناه ونكتبه بطريقة تانية

7. في ناس كتير بتحب تعمل دونلود للفيديو يعني تحميل بالنسبة
للعلامة باللون الاخضر اللي بتشير الى اننا نعمل دونلود او تحميل للفيديو
دي بتكون موجودة عند توافر برنامج الانترنت دونلود مانجر الشهير لتحميل
الافلام والاغاني وكل شئ او ممكن يكون في علامة لعمل دونلود ببرنامج الريل
بلير .

وبكدة اكون شرحت كل اللي اقدر علية والخاص بمشاهدة اي فيديو علي اليوتيوب
او علي الفيس بوك وطبعا لو في اي استفسار انا جاهز للرد عليه

» شرح كيفية ادخال فيديو للمنتدى مع نافدة الارسال الجديدة بالصور
» قناة الشبخ كشك على اليوتيوب
» القرآن الكريم كامل على اليوتيوب بصوت ماهر المعيقلى
» تشغيل الكمبيوتر من الماوس
» احدث نظام تشغيل لأجهزة الموبايل